ភ្នំពេញ៖ នាយករដ្ឋមន្ត្រីកម្ពុជាបានណែនាំឱ្យមានវិធានការរៀបចំនូវការពិនិត្យនិងផ្ដល់ជូនវ៉ាក់សាំងកូវីដ-១៩ ជូនដល់ពលរដ្ឋកម្ពុជាដើរទៅដល់អ្នកត្រូវចាក់។

ថ្លែងក្នុងពិធីសម្ពោធដាក់ឱ្យប្រើប្រាស់មន្ទីរពេទ្យមិត្តភាពកម្ពុជា-ចិនព្រះកុសមៈ នៅរាជធានីភ្នំពេញនៅថ្ងៃទី២១ ខែមីនា ឆ្នាំ២០២២ សម្ដេចតេជោ ហ៊ុន សែន បានបញ្ជាក់អំពីយុទ្ធនាការចាក់វ៉ាក់សាំងរបស់កម្ពុជា និងប្រកាសទទួលយកវ៉ាក់សាំងពីប្រទេសជាមិត្តដល់ប្រទេសកម្ពុជា។

សម្ដេចបានបញ្ជាឱ្យសិក្សាពីលទ្ធភាពក្នុងការធ្វើផែនការរំកិលក្នុងការចាក់វ៉ាក់សាំងជូនទៅដល់ពលរដ្ឋត្រូវដល់អាយុដែលត្រូវចាក់ដើម្បីឲ្យមាននិរន្តរភាព ធ្វើសកម្មភាពឱ្យជាប់កុំឲ្យដាច់ ព្រោះមិនដឹងថាពេលណាកូវីដ-១៩ បាត់ពីកម្ពុជានោះទេ។

បច្ចុប្បន្នរាជរដ្ឋាភិបាលកម្ពុជាបានអនុញ្ញាតឱ្យចាក់វ៉ាក់សាំងជូនកុមារដែលមានអាយុចាប់ពី ៣ឆ្នាំឡើង។

គិតត្រឹមថ្ងៃទី២១ ខែមីនា ឆ្នាំ២០២២នេះ កម្ពុជាសម្រេចការចាក់វ៉ាក់សាំងកូវីដ-១៩ ជូនដល់ពលរដ្ឋដែលមានអាយុពី ៣ឆ្នាំឡើង បានចំនួនជាង៩២ ភាគរយនៃប្រជាជនសរុបចំនួន ១៦លាននាក់៕

^{PHOTO: EAC NEWS}